Թուրքիան օդային հարձակումներ է իրականացրել Իրաքի հյուսիսային շրջաններում

Թուրքիայի պաշտպանության նախարարության տարածած հաղորդագրության համաձայն՝ թուրքական ԶՈՒ-ի ռազմաօդային ստորաբաժանումները օդային հարձակումներ են իրականացրել Իրաքի հյուսիսում:

Նշվում է, որ գործողություններն ուղղված են եղել իրենց կողմից ահաբեկչական ճանաչված «Քուրդիստանի բանվորական կուսակցություն» ռազմաքաղաքական կազմակերպության (ՔԲԿ-PKK) դեմ:

Գործողությունների ընթացքում Իրաքի Մեթինա, Զափ, Հաքուրք, Գարա և Քանդիլ նահանգներում ոչնչացվել է 27 թիրախ, որոնք ըստ թուրքական կողմի՝ որպես ապաստարան և թաքստոց են օգտագործվել PKK-ի անդամների կողմից:

https://www.ermenihaber.am/am/news/2024/03/20/%D4%B9%D5%B8%D6%82%D6%80%D6%84%D5%AB%D5%A1-%D4%BB%D6%80%D5%A1%D6%84-PKK/270632