Թուրքիայում ավարտին է հասել Դիարբեքիրի փաստաբանների պալատի նախկին նախագահի եւ անդամների դեմ «Հայոց ցեղասպանություն» արտահայտության համար հարուցված դատական գործընթացը։
Ինչպես տեղեկացնում է Mezopotamya գործակալությունը, դատարանը որոշել է, որ Դիարբեքիրի փաստաբանների պալատի նախկին անդամների կողմից ապրիլի 24–ին 1915–ի հետ կապված հիշատակի միջոցառման ժամանակ «Հայոց ցեղասպանություն» արտահայտությունը տեղավորվում է խոսքի ազատության մեջ։
Նշենք, որ Դիարբեքիրի փաստաբանների պալատի նախկին նախագահի եւ անդամների կողմից կազմակերպված և Հայոց ցեղասպանության տարելիցի նվիրված հիշատակի միջոցառմանը ժամանակ մի քանի անգամ օգտագործել են Հայոց ցեղասպանություն արտահայտությունը եւ հորդորել թուրքական իշխանություններին ճանաչել այն։
Այս միջոցառումից հետո հիշատակի միջոցառման կազմակերպիչների եւ «Հայոց ցեղասպանություն» արտահայտությունն արած փաստաբանների դեմ դատական գործընթաց էր սկսվել «թուրք ազգը, երկիրն ու պետական օրգանները նվաստացնելու» մեղադրանքով։
Leave a Reply