Թուրքական մամուլը լայնորեն անդրադարձել է հունական մեդիայում շրջանառվող լուրերին, որոնք վերաբերում են ԱՄՆ կոնգրեսից արտահոսած Թուրքիայի մասին գաղտնի զեկույցին:
Զեկույցը հունական մեդիայում որակվել է որպես «Ամերիկյան ռումբ՝ Թուրքիայի օգտին»:
Ըստ հունական մեդիայի՝ զեկույցում ասված է եղել. «Թուրքիան ի պաշտոնե տերն է թե՛ Էգեյան ծովի, և թե՛ Արևելյան Միջերկրականի»:
Բացի այդ, զեկույցը ներառել է Էգեյան և Միջերկրական ծովերում առկա կղզիները թուրքականի և հունականի տարբերակող քարտեզ:
Այդ քարտեզը, որը հիմնականում միտված է եղել թուրքական ներկայությունը փաստելուն, հունական մամուլում մեկնաբանվել է հետևյալ կերպ.
«Թուրքերն անում են այն, ինչ ուզում են, իսկ մենք՝ որպես պետություն պարտվում ենք»:
Հունական կողմի նման արձագանքը թուրքական մամուլում վերնագրվել է հիմնականում այսպես. «ԱՄՆ-ի «Թուրքիայի մասին գաղտնի փաստաթղթերի» ցնցումը Հունաստանում»:
Leave a Reply