Նեթանյահու․ «Քրդերին ցեղասպանող Էրդողանը վերջին մարդն է, ով կարող է մեզ բարոյական դասեր տալ»

Իսրայելի վարչապետ Բենիամին Նեթանյահուն X-ի միկրոբլոգում անդրադարձել է Թուրքիայի նախագահ Ռեջեփ Թայիփ Էրդողանին։

«Էրդողանը քրդերի դեմ ցեղասպանություն է իրականացնում, իր վարչակարգի դեմ հանդես եկող լրագրողներին ազատազրկելու համաշխարհային ռեկորդակիր է և նա վերջին մարդն է, ով կարող է բարոյական դասեր տալ մեզ»,- նշել է Նեթանյահուն։

Նեթանյահուն գրառման մեջ մատնանշել է, որ Էրդողանը պաշտպանում է Իսրայելի կողմից ահաբեկչական համարվող պաղեստինյան «ՀԱՄԱՍ» խմբավորմանը, որի դեմ պայքարում է իսրայելական բանակը։ Նա, ընդգծել է, որ Էրդողանն անգամ ընդունելություն է կազմակերպում ու հյուրընկալում «ՀԱՄԱՍ»-ի առաջնորդներին, ապա «ՀԱՄԱՍ»-ին նույնացրել «Իսլամական պետություն» ահաբեկչական կազմակերպության հետ։

Հիշեցնենք, որ Թուրքիայի նախագահը քննադատել էր Նեթանյահուին՝ հերթական անգամ համեմատելով Ադոլֆ Հիտլերի հետ։

https://www.ermenihaber.am/am/news/2023/12/28/%D4%B9%D5%B8%D6%82%D6%80%D6%84%D5%AB%D5%A1-%D4%BB%D5%BD%D6%80%D5%A1%D5%B5%D5%A5%D5%AC/264820