Թուրքիան այս շաբաթ ավիահարվածներ է հասցրել ավելի քան 70 օբյեկտների, որոնք ենթադրաբար կապված են քրդական խմբավորումների հետ Սիրիայում և Հյուսիսային Իրաքում՝ ի պատասխան Իրաքում 12 թուրք զինվորների սպանության, ասել է պաշտպանության նախարար Յաշար Գյուլերը, հաղորդում է AP-ն։
Գյուլերը բարձրաստիճան զինվորականներին ուղղված տեսաուղերձում նշել է, որ հարվածների, ինչպես նաև ցամաքային բախումների հետևանքով սպանվել է առնվազն 59 քուրդ զինվոր։
«Ցավը մեծ է, բայց մեր վճռականությունն անսասան է։ Մենք վրեժխնդիր ենք եղել մեր թանկագին երեխաների համար և շարունակելու ենք դա անել»,- ասել է Գյուլերը։
Ավելի վաղ Թուրքիան հայտարարել էր Իրաքի հյուսիսում «հատուկ գործողություն» սկսելու մասին՝ ի պատասխան Քուրդիստանի աշխատավորական կուսակցության անդամների հետ բախումների ժամանակ իր 12 զինվորների մահվան:
Leave a Reply