Թուրք պրոֆեսոր. «Գազայից հետո Իսրայելի թիրախը Թուրքիան է»

Թուրքիայի կենտրոնական հատվածում գտնվող Կոնիա քաղաքի մտավորականների, արվեստագետների և մշակութաբանների միության ասոցիացիայի նախագահ, թուրք պրոֆեսոր Յուսուֆ Քյուչյուքդաղը հայտարարել է, որ Գազայից հետո Իսրայելի հաջորդ թիրախը լինելու է Թուրքիան:

Քյուչյուքդաղը նշել է նաև, որ Իսրայելն այս պահին Պաղեստինի Գազայի հատվածում անողորմ սպանդ է իրականացնում:

«Աշխարհն իր երկար պատմության ընթացքում շատ անգամներ է դարձել ավերածությունների և պատերազմների թատերաբեմ: Իսկ այսօր բեմադրվում է նմանը չունեցող մի ավերածություն և պատերազմ»,- ասել է նա:

Ապա Ֆրանսիային, Գերմանիային, Իտալիային և հատկապես ԱՄՆ-ին մեղադրել է Իսրայելին օգնություն տրամադրելու մեջ, ինչի հետևանքով արդեն շուրջ 10.000 կին և երեխա է սպանվել:

«Սա պատերազմ չէ, սա ցեղասպանություն է: Սա պատերազմական հանցագործություն է»,-եզրափակել է թուրք պրոֆեսորը:

https://www.ermenihaber.am/am/news/2023/12/18/%D4%B9%D5%B8%D6%82%D6%80%D6%84%D5%AB%D5%A1-%D4%BB%D5%BD%D6%80%D5%A1%D5%B5%D5%A5%D5%AC-%D4%B9%D5%AB%D6%80%D5%A1%D5%AD/264253