Թուրքիայի նախագահն Իսրայելին սպառնացել է, որ վերջինս ծանր գին կվճարի

Թուրքիայի նախագահ Ռեջեփ Թայիփ Էրդողանը Կատարից վերադառնալիս անդրադարձել է Իսրայելի այն հայտարարությանը, ըստ որի` Իսրայելը պատրաստվում է սպանել Պաղեստինից դուրս բնակվող այդ թվում՝ Թուրքիայում գտնվող ՀԱՄԱՍ խմբավորման առաջնորդներին։

Էրդողանը մասնավորապես նշել է․ «Նախ և առաջ այդ լուրը հայտնողներին կասեմ, որ Թուրքիան երևի լավ չեն ճանաչում։ Թուրքերին չեն ճանաչում։ Մեզ չեն ճանաչում։ Եթե նրանք նման սխալ թույլ տան, պետք է իմանան, որ դրա համար շատ ու շատ ծանր գին են վճարելու»։

Թուրքիայի նախագահի խոսքով, եթե իսրայելցիները համարձակվեն նման քայլի գնալ Թուրքիայի և թուրքերի դեմ, կդատապարտվեն վճարել այնպիսի գին, որ էլ երբեք չկարողանան մեջքն ուղղել։ Նման բան փորձողները պետք է չմոռանան, որ դրա հետևանքները կարող են շատ լուրջ լինել։

https://www.ermenihaber.am/am/news/2023/12/06/%D4%B9%D5%B8%D6%82%D6%80%D6%84%D5%AB%D5%A1-%D4%BB%D5%BD%D6%80%D5%A1%D5%B5%D5%A5%D5%AC/263511