Թուրքիայում եկեղեցի ներխուժած խուլիգանների են ձերբակալել  

Թուրքիայում ձերբակալվել են Այքուտ Ք.-ն և նրա ազգական Հալիլ Դ.-ն, ովքեր հարբած վիճակում փորձել են մտնել այստեղի բողոքական եկեղեցի, և սպառնացել եկեղեցու ծառայողններին՝ ասելով, «Եթե ոստիկանություն կանչեք, ձեզ կվառենք»։

ԷՍՔԻՇԵՀԻՐում բնակվող Այքութ Ք.-ն (31 տ․) և նրա ազգական Հալիլ Դ.-ն (41 տ․) անցյալ շաբաթվա մեջ՝ շաբաթ օրը, ժամը 19.30-ի սահմաններում, ալկոհոլային խմիչք օգտագործելուց հետո գնացել են Թեփեբաշըի բողոքական եկեղեցի։ Նրանք բռունցքներով հարվածել են եկեղեցու պատուհաններին ու դռներին և փորձել բռնի ուժով ներս մտնել։ Հարձակվելով դուռը բացած հովիվ Արթուն Թոքաթլիի և նրա հետ գտնվող մարդկանց վրա՝ հարցրել են՝ «Հրեա՞ եք, իսրայելցի՞ եք»։ Կասկածյալները սպառնացել են, թե «Եթե ոստիկանություն կանչեք, ձեզ կվառենք» ու հեռացել։ Եկեղեցու սպասավոր Թոքաթլիի ծանուցմամբ՝ ոստիկանական խմբերը բռնել են կասկածյալներից Այքութ Ք.-ին։ Հալիլ Դ.-ն բերման է ենթարկվել իր տնից։ Առողջական ստուգման ենթարկված կասկածյալներից պարզվել է, որ Այքութ Ք.-ի մոտ 2,16 պրոմիլ, իսկ Հալիլ Դ.-ի մոտ՝ 3,27 պրոմիլ ալկոհոլի մակարդակ է։

«ԽՄԱԾ ԷԻՆՔ, ՉԵՆՔ ՀԻՇՈՒՄ»

Ցուցմունք վերցնելուց հետո Այքութ Ք.-ին և Հալիլ Դ.-ին մեղադրանք է առաջադրվել «Հանրությանը հրապարակայնորեն ատելության և թշնամանքի դրդելու, մեկից ավելի անձանց սպառնալու, ուժի կամ սպառնալիքի գործադրմամբ աշխատավայրում անձեռնմխելիությունը խախտելու» կասկածանքով: Կասկածյալներից Այքութ Ք.-ն ասել է. «Եթե պետք լինի, կարող եմ գնալ, ներողություն խնդրել, զղջում եմ»։ Հալիլ Դ.-ն նշել է. «Չեմ հիշում, թե ինչպես գնացի եկեղեցի, ինչպես հասա տուն: Հնարավոր չէ՝ նման բաներ ասած լինեմ։ Զղջում եմ, կգնամ ներողություն կխնդրեմ»։

Դատախազության հարցաքննություններից հետո կասկածյալները տեղափոխվել են Առաջին քրեական դատարան, և ձերբակալվել ու ազատազրկվել՝ սպառնալիքների և աշխատավայրում անձեռնմխելիության խախտման մեղադրանքով։

«ՊԱՇՏԱՄՈՒՆՔԻ ՎԱՅՐԻ ՀԱՆԴԵՊ ՊԵՏՔ Է ՀԱՐԳԱՆՔ ՑՈՒՑԱԲԵՐԵԼ»

Հոգևորական Արթուն Թոքաթլըն հայտարարեց, որ Էսքիշեհիրի գլխավոր դատախազությունը և Էսքիշեհիրի ոստիկանական բաժանմունքը նրբանկատ են գտնվել դեպքի առնչությամբ, և 24 ժամյա ոստիկանական ծառայություն են նշանակել դռան մոտ և հավելեց. «Պետք է հարգել պաշտամունքի վայրերը: Դռան վրա ուժ գործադրելով՝ փորձեցին ներս մտնել։ Սակայն դուռն ամբողջությամբ չբացեցինք։ Կարծում ենք՝ դժվարին ժամանակներ են։ Իրադարձությունների նման համընկնումն անհանգստացնող է: Սակայն այս հարցում բոլորը շարունակում են անհրաժեշտ նրբանկատություն դրսևորել այնքան, որքան կարող են։ Հավանաբար դա պայմանավորված է նրանով, որ իսրայելա-պաղեստինյան պատերազմն այդքան թեժ թեմա է: Ես ոչ մի պատերազմի հավանություն չեմ տալիս։ Մենք միշտ դատապարտում ենք այն։ Սակայն ցավալի է, որ իրադարձությունները մեզ հետ են կապում, կամ մարդիկ փորձում են մեզ այդ ուղղությամբ տանել»։

Հիշեցնենք, որ, Իլհան Օնդերը (46 տ․), ով հոկտեմբերին եկել էր եկեղեցի, ապտակել էր հովիվ Արթուն Թոքաթլըին և ասել․ «Նրա հանդուրժողականությունն էի փորձում»։

Էնգին ԷՕԶՄԵՆ-Սարփ ԴԵՄԻՐՀԱՆ

https://www.hurriyet.com.tr/gundem/kilise-basan-saygisizlar-tutuklandi-42368958

Թարգմանեց Տիգրան Չանդոյանը

Akunq.net