Մի շարք պետություններ փորձում են Իսրայելի հարձակումները Գազայի հատվածում խաղաղ բնակիչների վրա ներկայացնել որպես արդարացված միջամտություն, Անկարան դեմ է պաղեստինցիների տեղահանմանը:
Հայտարարել է Թուրքիայի արտգործնախարար Հաքան Ֆիդանը։
«Պետք է կանխել քաղաքացիական զոհերը: Մենք նկատել ենք, որ որոշ պետություններ փորձում են ներկայացնել Իսրայելի բռնաճնշումները Գազայում որպես արդարացված միջամտություն:
Նման խեղաթյուրված և անմարդկային մոտեցումը միայն կհանգեցնի ավելի մեծ բռնությունների և անմեղ մարդկանց մահվան: Մենք Իսրայելին կոչ ենք անում հարգել միջազգային իրավունքը: Մենք լիովին դեմ ենք պաղեստինցիների տեղահանմանը: Մենք երբեք հավանության չենք արժանացնի պաղեստինցիների՝ Եգիպտոս տեղահանելու քաղաքականությունը»,- ասել է Ֆիդանը Կահիրեում իր եգիպտոսցժցի գործընկերոջ հետ մամուլի ասուլիսի ժամանակ:
Նրա խոսքով, անհրաժեշտ է կանխել հակամարտության աշխարհագրական տարածումը, Անկարան մշտական կապի մեջ է տարածաշրջանի երկրների հետ.
«Պետք է սկսել երկու պետությունների ստեղծման գործընթացը: Մերձավոր Արևելքում խաղաղություն կարող է հաստատվել միայն պաղեստինցիների, այլ ոչ թե տարածաշրջանային այլընտրանքների հետ:
Անվտանգությունը չի կարող հաստատվել առանց խաղաղության: Որպես մահմեդական երկրներ, մենք պետք է ստեղծենք մեխանիզմ, որը կպաշտպանի պաղեստինցիների գոյատևումը և կդառնա արդար և տևական խաղաղություն երաշխավոր»,- ասել է Թուրքիայի ԱԳՆ ղեկավարը։
Leave a Reply