Հայաստանը որեւէ մեկին, որեւէ խոստում չի տվել: Այս մասին հոկտեմբերի 10-ին Հանրային հեռուստատեսությանը տված հարցազրույցում նշեց ՀՀ վարչապետ Նիկոլ Փաշինյանը՝ անդրադառնալով Թուրքայի նախագահի հայտարարությանը այսպես կոչված Զանգեզուրի միջանցքի մասին:
«Ես ինչքան կարդացել եմ Թուրքիայի նախագահի հայտարարությունը այնտեղ խոսվում է հետեւյալի մասին, այնտեղ խոսվում է Հայաստանի խոստման մասին: Արձանագրենք, որ Հայաստանը որեւէ մեկին, որեւէ խոստում չի տվել այն տերմինաբանության շրջանակներում, որը օգտագործվում է Թուրքիան եւ Ադրբեջանը: Այստեղ մի նրբություն կա, շատ է կարեւորվում, թե արդ տրմեինաբանությունը ոնց ենք մենք ընկալում, որովհետեւ մենք՝ ՀՀ-ում, նաեւ հանրությունը լայնորեն, այդ տերմինաբանությունը ընկալում է որպես Հայաստանի նկատմամբ որոշակի տարածքային պահանջ եւ արտատարծքային միջանցքի պահանջ: Ուրեմն՝ մենք նման տերմինաբանությամբ եւ եզրաբանությամբ որեւէ խոստում որեւէ մեկին չենք տվել: Ես գիտեմ, որ երբ խոսակցություններ են գնում Հայաստանի եւ Թուրքիայի ներկայացուցիչների միջեւ, ասվում է, որ այդ միջանցքային տերմինաբանությունը, որը դուք օգտագործում եք, մեզ համար ընդունելի չէ, նրանք ասում են՝ ոնց ընդունելի չէ, դուք եք ընդունել եռակողմ հայտարարությունը, մենք ասում ենք՝ եռակողմ հայտարարության մեջ նման բան գրված չէ, բացեք, նայեք, երբ որ գրված կլինի, մեզ ցույց կտաք: Միջանցք բառը ընդհանրապես գլոբալ աշխարհում ներկայացվում է որպես հաղորդակցության ուղիների սովորական տերմին: Եռակողմ հայտարարության մեջ դա մի փոքր այլ տրամաբանություն ունի, որովհետեւի այնտեղ կա Լաչինի միջանցքը, որը հայտարարության տրամաբանությամբ արտատարածքայնության կամ երրորդ ուժի կիողմից վերահսկողության որոշակի բովանդակություն է պարունակում: Բացի այդ լաչինի միջանցքը ճանապարհ չէ ուղղակի, այն 5 կմ-անոց տարածքի շերտ է,ո ր գտնվում է 3-րդ կողմի վերահսկողության ներքո»,-ասել է նա:
Փաշինյանը շեշտում է, որ Հայաստանը հայտարարում է, որ պատրաստ է շահագրգռված է բացել տարածաշրջանային կոմունիկացիաները. «Այսինքն, մենք պատրա՞ստ ենք բացել ճանապարհները Ադրբեջանի եւ Թուրքիայի համար, այո΄, պատրաստ ենք, եւ ինչպես արձանագրվել է, դա պետք է տեղի ունենա Հայաստանի ինքնիշխանության, իրավազորության հիման վրա, հավասարության եւ փոխադարձության սկզբունքի հիման վրա: Սա նշանակում է, որ ոչ մի երրորդ ուժ ՀՀ որեւէ տարածքի նկատմամբ վերահսկողություն պետք է չունենա: Հայսատնաի սահմանենրը հատելու ժամանակ պետք է գործեն Հայաստանի սահմանապահ ծառայությունները, մքասային ծառայությունները: Մեզ ասում են, որ եռակողմ հայտարարության մեջ գրված է, որ անվտանգությունը պետք է ապհովի ՌԴ-ն, ես ասում եմ, որ նման բան գրված չէ»,-ասաց նա:
Պետրոս Ղազարյանի դիտարկմանը, թե ադրբեջանցի պաշտոնյաներից մեկն ասել է, որ եթե միջանցք չի լինելու, ինչպես է ապահովելու անվտանգությունը, իսկ ռուս պաշտոնյան ասել է, որ եթե միջանցք բառն այդքան ներվայնացնում է, կարող են օգտագործել ճանապարհ բառը, Փաշինյանն ասաց, որ որեւէ խնդիր չկա. «Երկաթուղով անցնելու դեպքում Մեղրիի հարցն անառարկելի է, որովհետեւ այլ տեղ երկաթուղի մենք չենք ունեցել, մենք ունենք մի երկաթուղի Իջեւան, Հրազդան, Ղազախ, որտեղ շատ մեծ պրոբլեմ կա, հաղարծին գյուղի հատվածում սողանք կա, որ նախնական գնահատմամբ վերացնելու համար 500 մլն դոլարի կարիք կա, եւ հարց է դեռ կվերացվի, թե՝ ոչ: Բայց մյուս կողմի, մենք ոչ մի խնդիր չունենք Մեղրիի երկաթուղին վերականգնելու առումով, ընդհակառակը՝ շահագրգռված ենք, որովհետեւ դա նշանակում է Հայաստանի շրջափակման վերացում եւ խաղաղություն, մեծ հաշվով»:
Փաշինյանը նշեց, որ ինչ վերաբերում է նրան, որ նույն հատվածով ճանապարհ անցնի, միջազգային փորձագետներն ասում են, որ անիրագործելի է, որ նույն վայրով համ ճանապարհ անցնի, համ երկաթուղի, բայց սա տեխնիկական հարց է:
Փաշինյանը շեշտում է, որ ճանապարների բացումը ձեռնտու է ե΄ւ Հայաստանին, ե΄ւ Ադրբեջանին ե΄ւ Թուրքիային:
«Այո, սա կարող է դառնալ տարածաշրջանում խաղաղության լրջագույն հանգույց եւ մենք ասում ենք, որ եթե այդ երկիմաստությունները դուրս են գալիս, այստեղ էլ խնդիր չկա»,-ասաց նա:
Leave a Reply