Թուրքիայի պաշտպանության նախարարն անդրադարձել է Հայաստան-Ադրբեջան գործընթացին

Թուրքիայի պաշտպանության նախարար Յաշար Գյուլերը նախարարության համալսարանի նոր ուսումնական տարվա բացման արարողությանն անդրադարձել է Հայաստան-Ադրբեջան գործընթացին: 

Գյուլերը, նշելով, որ Թուրքիան տարբեր տարածաշրջաններում աջակցություն է տրամադրել «բարեկամ և դաշնակից մի շարք երկրներին», Ադրբեջանի վերաբերյալ նշել է. «Այժմ Ադրբեջանի և Հայաստանի միջև մնայուն  խաղաղության հաստատման նոր հնարավորության դուռ է բացվել։  Մենք ակնկալում ենք, որ Հայաստանը կգործի այս ընկալմամբ։ Մենք հուսով ենք, որ համապարփակ կարգավորումը հնարավորինս շուտ կապահովվի` տարածաշրջանի կայունության և բարօրության համար»,- նշել է նա։

Թուրք նախարարը նաև անդրադարձել է Լիբիայում, Սիրիայում, Միջերկրական ծովում տիրող իրավիճակին և հավելել, որ Թուրքիան կշարունակի աջակցել իր դաշնակիցներին առկա մարտահրավերները հաղթահարելու համար։

https://www.ermenihaber.am/am/news/2023/10/09/%D4%B9%D5%B8%D6%82%D6%80%D6%84%D5%AB%D5%A1-%D4%B1%D5%A4%D6%80%D5%A2%D5%A5%D5%BB%D5%A1%D5%B6/258711