Հայաստանը գործելու է էներգետիկայի ոլորտում իր շահերից ելնելով: Այս մասին լրագրողների հետ զրույցում ասաց Հայաստանի խորհրդարանի արտաքին հարաբերությունների մշտական հանձնաժողովի նախագահ Սարգիս Խանդանյանը:
«Հայաստանն էներգետիկ անվտանգության իր ռազմավարությունն ունի, և նման պահանջներն անտեղի են»,-ասաց նա:
Հիշեցնենք, որ ըստ թուրքական լրատվամիջոցների՝ Թուրքիայի Ազգային ժողովը քաղաքացիներից դիմումներ է ստացել հայկական ատոմակայանի վերաբերյալ։
Խորհրդարանի պատասխան նամակում նշվում է, որ թուրքական իշխանությունները մշտապես ուշադրության կենտրոնում են պահել ատոմակայանների ռիսկերի կառավարումը, ինչպես նաև տեղեկացրել են ԱԷՄԳ-ին, որ «Մեծամորի ԱԷԿ-ը վտանգ է ներկայացնում»։
«Եթե չեմ սխալվում, նման դիմումներ նախկինում էլ են ստացվել՝ մեկ անգամ չէ, որ եղել են»,- հավելեց Խանդանյանը:
Նա հիշեցրեց, որ ամբողջ աշխարհն այժմ անցնում է ատոմային էներգիայի՝ հաշվի առնելով ածխաջրածնային պաշարների հետ կապված խնդիրը։
Leave a Reply