Թուրքիայում գործող ընդդիմադիր Կանաչ ձախ կուսակցության (Yeşil Sol Parti) Ուրֆայի պատգամավոր Օմեր Օջալանի վերաբերյալ արձանագրություն է կազմվել՝ խորհրդարանում քրդերեն խոսելու համար։
Մասնավորապես Օմերը մամուլի ասուլիս էր հրավիրել՝ Աբդուլլահ Օջալանի բանտային պայմանների և իր փաստաբանի հետ հանդիպել չկարողանալու հարցերի վերաբերյալ։
Նա 13 րոպե տևած մամուլի ասուլիսում խոսել էր միայն քրդերեն, ինչն արգելված է Թուրքիայի խորհրդարանում։ Այնտեղ պետք է խոսել միայն թուրքերեն։ Օմերը հարցազրույցից հետո նշել էր․ «Այդ ելույթում ստիպված էի քրդերեն խոսել»։
Նշենք, որ Թուրքիայի կողմից ահաբեկչական ճանաչված Քուրդիստանի բանվորական կուսկացության (ՔԱԿ/ՔԲԿ-PKK) հիմնադիր և նախկին ղեկավար Աբդուլլահ Օջալանը ձերբակալվել է Քենիայում թուրքական հատուկ ծառայությունների և իսրայելական հատուկ ծառայության «Մոսադ»-ի համատեղ գործողության արդյունքում։
Այնուհետև Օջալանը դատապարտվել է ցմահ ազատազրկման Մարմարա ծովի Իմրալը կղզում գտնվող բանտում։ Նա մեղադրվում է ահաբեկչական կազմակերպություն ստեղծելու և ղեկավարելու մեջ։
Leave a Reply