Թուրքերի 62,4%-ը կարծում է, որ օտար ուժերը փորձում են պառակտել երկիրը. MetroPOLL

Թուրքական MetroPOLL կենտրոնի հարցման մասնակիցների ավելի քան 60%-ն ասել է, որ օտարերկրացիները փորձում են պառակտում սերմանել թուրքական հասարակության մեջ, և մոտավորապես նույնքան հարցվածներ կարծում են, որ երկիրը շրջապատված է թշնամիներով։

Այսպիսով, «դուք ապրում եք թշնամիներով շրջապատված երկրում» հարցին հարցվածների 64%-ը դրական է պատասխանել: Գրեթե 33%-ը բացասական է պատասխանել, իսկ ևս 3%-ը` ձեռնպահ է մնացել կամ չի կարողացել պատասխանել։

Միևնույն ժամանակ, այն մարդկանց թիվը, ովքեր կարծում են, որ Թուրքիան շրջապատված է թշնամիներով, ամենամեծն է մայիսին Թուրքիա միգրացիայի դեմ իր գաղափարներով հայտնի Zafer կուսակցության օգտին քվեարկածների մեջ՝ ավելի քան 91%: Թուրքիան ցամաքային սահմաններ ունի Բուլղարիայի, Հունաստանի, Վրաստանի, Հայաստանի, Ադրբեջանի, Իրանի, Սիրիայի և Իրաքի հետ։

«Դուք ապրում եք մի երկրում, որն օտարներն ուզում են մասնատել» հարցին դրական պատասխանել է հարցվածների 62,4%-ը։

«Համատարած համոզմունքը, որ արտաքին ուժերը ձգտում են մասնատել Թուրքիան, չի սահմանափակվում միայն մեկ քաղաքական կուսակցության կամ ինքնության կողմնակիցներով. նրանք, ովքեր քվեարկել են իշխող կուսակցության և ընդդիմության օգտին, ունեն նման տեսակետներ», – հարցման արդյունքները մեկնաբանել է կենտրոնի տնօրեն Օզեր Սենջարը: 

Հարցումն անցկացվել է 1807 մասնակիցների շրջանում Թուրքիայի 81 նահանգներից 28-ում՝ սեպտեմբերի 16-ից 20-ը։ Սխալը կազմել է 2,26%:

https://news.am/arm/news/784552.html