Մի շարք երկրներ անդրադարձել են Անկարայում տեղի ունեցած ահաբեկչությանը

ԱՄՆ պետքարտուղար Էնթոնի Բլինքենն Անկարայում տեղի ունեցած ահաբեկչությունից հետո հանդես է եկել հայտարարությամբ, որտեղ դատապարտել է Թուրքիայում տեղի ունեցածը և անընդունելի համարել յուրաքանչյուր ահաբեկչական փորձ:

«Վիրավորներին մաղթում ենք շուտափութ ապաքինում: Մեր ՆԱՏՕ-ի դաշնակցի՝ Թուրքիայի և թուրք ժողովրդի կողքին ենք»:

Twitter-ում կատարված երկլեզու՝ թուրքերեն և ֆրանսերեն գրառմամբ ահաբեկչությունը դատապարտել է նաև Ֆրանսիայի արտգործնախարար Կատրին Կոլոննան:

«Մենք համերաշխ ենք Թուրքիայի հետ: Ցավակցում ենք վիրավորներին և նրանց հարազատներին»:

Ահաբեկչությանն առնչվող հայտարարություն է տարածել նաև Եվրամիության (ԵՄ) արտաքին կապերի և անտվանգային քաղաքականության բարձր ներկայացուցիչ Ժոզեպ Բորելը:

«ԵՄ-ն դատապարտում է Անկարայում Թուրքիայի ներքին գործերի նախարարության (ՆԳՆ) վրա իրականացված ահաբեկչական հարձակումը: Մենք հայտնում ենք մեր համերաշխությունը Թուրքիային, վիրավորներին մաղթում շուտափույթ ապաքինում»:

Անակարայում տեղի ունեցածը անընդունելի է համարել նաև Լիբիան: Այդ երկրի արտաքին գերատեսչության տարածած հաղորդագրության մեջ նշվել է.

«Լիբիան  դեմ է, յուրաքանչյուր տեսակի ահաբեկչական գործողությունների և դրա նկատմամբ ունի հստակ վերաբերմունք»:

Հիշեցնենք, որ հոկտմեբերի 1-ին Թուրքիայի մայրաքաղաք Անկարայի Չանքայա թաղամասում  2 զինված անձ նռնականետով կրակ էին բացել ներքին գործերի նախարարության (ՆԳՆ) մուտքի ուղղությամբ, ինչի հետևանքով վիրավորվել էր ոստիկանության երկու աշխատակից:

Ավելի ուշ ՆԳՆ-ն հայտարարել էր, որ հանցագործներից մեկը եղել է Թուրքիայի կողմից ահաբեկչական համարվող «Քուրդիստանի բանվորական կուսակցության» (ՔԲԿ/ՔԱԿ-PKK) անդամ:

https://www.ermenihaber.am/am/news/2023/10/02/%D4%B9%D5%B8%D6%82%D6%80%D6%84%D5%AB%D5%A1-%D4%B1%D5%B0%D5%A1%D5%A2%D5%A5%D5%AF%D5%B9%D5%B8%D6%82%D5%A9%D5%B5%D5%B8%D6%82%D5%B6/257951