Ավստրիան կոչ է անում դադարեցնել Թուրքիայի եվրաանդամակցության բանակցությունները

Ավստրիայի կանցլեր Կառլ Նեհամմերը գերմանական «Welt» թերթին տված հարցազրույցում կոչ է արել Թուրքիայի և Եվրամիության (ԵՄ) քննարկումներն ավարտել և համագործակցության համար մի նոր կոնցեպտ զարգացնել։

Նեհամմերը, ով նշել է, թե Անկարայի ուկրաինական բանակցություններում ներառվելն անհրաժեշտություն է, ավելացրել է, որ մոտ ժամանակներս հանդիպելու է նախագահ Էրդողանի հետ։

Եվրամիության (ԵՄ) բանակցությունները, որոնք սկսվել էին 8 տարի առաջ, բայց հետո դադարեցին, կրկին օրակարգ մտան նախագահ Էրդողանիէ հուլիսին արած հայտարարությամբ։

Ըստ թուրքական մամուլի՝ մինչ նախագահ Էրդողանի հայտարարությունից հետո Եվրամիությունից «ջերմ ուղերձներ էին հնչում», Ավստրիան կոչ է արել դադարեցնել Թուրքիայի անդամակցության բանակցությունները։

Ավստրիայի կանցլերն ընդգծել է, որ Թուրքիայի հետ հարաբերությունների հետագա մերձեցմանը դեմ չեն, բայց չեն երազում Թուրքիայի՝ ԵՄ-ին լիարժեք անդամակցության մասին։

https://www.ermenihaber.am/am/news/2023/09/11/%D4%B1%D5%BE%D5%BD%D5%BF%D6%80%D5%AB%D5%A1%D5%B5%D5%AB-%D5%AF%D5%A1%D5%B6%D6%81%D5%AC%D5%A5%D6%80/256290