Ադրբեջանի Հանրապետության պաշտպանության նախարարի առաջին տեղակալ-ԳՇ պետ Քերիմ Վելիևն Ադրբեջանի բանակի գլխավոր շտաբում հանդիպել է Թուրքիայի զինված ուժերի գլխավոր շտաբի պետ, գեներալ Մեթին Գյուրաքի գլխավորած պատվիրակությանը։
Ադրբեջանական լրատվամիջոցների փոխանցմամբ՝ բանակցությունների ընթացքում «հատկապես ընդգծվել է, որ Թուրքիայի հետ համատեղ երկկողմ ու բազմազգ զորավարժությունները դրական են ազդում զինվորականների պրոֆեսիոնալիզմի մակարդակի բարձրացման վրա»։
«Բանակի գեներալ Մեթին Գյուրաքն իր հերթին նշել է այս տարի և 2024 թվականին Ադրբեջանի և Թուրքիայի ռազմական անձնակազմի մասնակցությամբ նախատեսված համատեղ միջոցառումների կարևորությունը։ Հանդիպմանը քննարկվել են ռազմական, ռազմատեխնիկական, ռազմակրթական և այլ ոլորտներում համագործակցության հետագա ընդլայնման ուղղությամբ կատարված աշխատանքի արդյունքները, և ընդգծվել այդ գործունեության առավել ինտենսիվ իրականացման կարևորությունը։ Կողմերը մտքերի հանգամանալից փոխանակում են անցկացրել փոխադարձ հետաքրքրություն ներկայացնող մի շարք այլ հարցերի շուրջ»,- նրանց խոսքերն են մեջբերում լրատվամիջոցները։
Leave a Reply