Թուրքիան աշխարհում 5-րդ խոշորագույն ոսկու շուկան է

Ոսկու համաշխարհային խորհրդի եվրոպական և ասիական շուկայի ստրատեգ Ջոն Ռիդը հրապարակել է հոդված, որտեղ նշվում է, որ Թուրքիան համարվում է աշխարի 5-րդ ամենամեծ ոսկու շուկան։ Ոսկու համաշխարհային խորհրդի տվյալների համաձայն՝  Թուրքիան մղվել է առաջին պլան որպես ոսկու համաշխարհային շուկայի կարևոր դերակատարներից մեկը հատկապես 2021-ից հետո, երբ առանձնացավ դրամավարկային քաղաքականության մեջ։

Տվյալների համաձայն՝ 2020-ի սկզբից Թուրքիայում ձուլակտորնեի և մետաղադրամների պահանջարկը կազմել է համաշխարհային ընդհանուրի միջինը 9%-ը։ 2010-ից մինչև 2020-ը կազմել է 4% մասնաբաժին, իսկ 2020-ից հետո այն կրկնապատկվել է։

Ըստ այդմ 2023-ի երկրորդ եռամսյակում միտման աճ է գրանցվել՝ ձուլակտորների և մետաղադրամների պահանջարկն աճել է 5 անգամ՝ առաջին կիսամյակի պահանջարկը հասցնելով 98 տոննայի։ 2022-ից հետո Թուրքիան կատարել է աշխարհում ոսկու ձուլակտորների և մետաղադրամների գնումների գրեթե 1/10-ը։

Համշխարհային բանկը հայտնել է, որ 2023-ի երկրորդ եռամսյակում չափազանց մեծ պահանջարկ գրանցած Թուրքիան  զգալիորեն ազդել է համաշխարհային ոսկու հոսքի վրա։

Թուրքիա ոսկու ներմուծումը հունվար-հուլիս ամիսներին տարեկան կտրվածքով  217% աճելով՝ 69․8 տոննայից  դարձել է 221․2 տոննա և ներմուծման դրամական չափը կազմել է 19․4 մլրդ դոլար։Թուրքիայի  ներքին շուկայում  տարվա առաջին կեսին գնվել են  19․7 տոննա ոսկերչկան իրեր, 98․1 տոննա մետաղադրամ և ոսկե ձուլակտոր։

https://www.ermenihaber.am/am/news/2023/08/18/%D4%B9%D5%B8%D6%82%D6%80%D6%84%D5%AB%D5%A1-%D5%B8%D5%BD%D5%AF%D5%B8%D6%82-%D5%B7%D5%B8%D6%82%D5%AF%D5%A1/254410