Թուրքիայում միայն հուլիս ամսին սպանվել է 26 կին

Ըստ «JINNEWS» գործակալության հուլիսին Թուրքիայում սպանվել է 26 կին, որոնցից  9 կին և 4 երեխա՝ կասկածելի հանգամանքներում։

«JINNEWS»-ի կողմից տարբեր աղբյուրներից հավաքագրած ամենամսյա տվյալների համաձայն՝ հուլիսին սպանվել է 26 կին և 2 երեխա, կասկածելի հանգամանքներում մահացել է 9 կին և 4 երեխա, իսկ 3 կին ենթարկվել է սպանության փորձի։

Սպանված կանանցից 9-ին սպանել են ամուսինները, 4-ը ամուսնալուծության փուլում են։ Ըստ բռնության տվյալների՝ 7 կին սպանվել է ընկերոջ կողմից, 3-ը՝ որդիների, 2-ը՝ նախկին ամուսինների, 2-ը՝ ծանոթների կամ հարազատների, 1-ը՝ նշանածի, 1-ը՝ աշխատանքային գործընկերոջ կողմից։ Մեկ կնոջ կապը մարդասպանի հետ հայտնի չէ։

Քաղաքները, որտեղ ամենաշատ կանայք են սպանվել, հետևյալն են. Ստամբուլ՝ 7, Մերսին՝ 2, Անկարա՝ 2, Նևշեհիր՝ 2, Մանիսա՝ 2, Բուրսա՝ 1, Անթալիա՝ 1, Չորում՝ 1, Մերդին. 1, Սամսուն՝ 1, Էլիհ (Բաթման)՝ 1, Դեյլոկ (Գազիանթեփ)՝ 1, Սաքարյա՝ 1, Գիրեսուն՝ 1, Մելեյթի՝ 1, Իզմիր՝ 1։

Ermenihaber.am