«Միասին» երաժշտական խումբը համերգ է տվել Սուրբ Կիրակոս եկեղեցում

Քուրդ, հայ և ֆրանսիացի կին արվեստի գործիչներից բաղկացած «Միասին» երաժշտական խումբը համերգով հանդես է եկել Տիգրանակերտի (պաշտոնական անվանումը՝ Դիարբեքիր) Սուրբ Կիրակոս հայկական եկեղեցում։

Այդ մասին, Akunq.net-ի փոխանցմամբ, հայտնում է «Դուվար» պարբերականի թղթակից Էվրիմ Դենիզը։

Ըստ աղբյուրի՝ երաժշտական խումբը Դիարբեքիրում երգեր է կատարել տարբեր լեզուներով։ Մինչ այդ Հայաստանում հանդես գալուց հետո «Միասին»-ը համերգներ է տվել Արդվինում և Դերսիմում, ապա՝ Դիարբեքիրում։

Միջոցառմանը զանազան ժողովուրդներից և ամենատարբեր տարիքից սերող մարդիկ են մասնակցել։ Համերգից առաջ ելույթ է ունեցել Սուրբ Կիրակոս հայկական եկեղեցու հիմնադրամի փոխնախագահ Օհաննես Գաֆուր Օհանյանը։

Նա մասնավորապես նշել է, որ սույն միջոցառումը կազմակերվել է Ֆրանսիայում գործող մի հայկական հիմնադրամի կողմից, և իր գոհունակությունն է հայտնել, որ Սուրբ Կիրակոս եկեղեցու հիմնադրամը կարողացել է բեմ տրամադրել այս երաժշտական խմբին։

Հավելենք, որ նմանատիպ միջոցառումները դրական ազդեցություն են ունենում տեղի հայության ինքնության վերադարձի և վերազարթոնքի առումով, քանի որ նման ձեռնարկների շնորհիվ հայերն անմիջականորեն առնչվում են հայկական մշակույթի հետ։

https://www.gazeteduvar.com.tr/miasin-surp-giragos-kilisesinde-konser-verdi-haber-1630527

Մելինե Անումյան / Akunq.net