Կանադան շարունակում է զենք-զինամթերքի Էմբարգոն Թուրքիայի դեմ

Պաշտպանական և օդատիեզերական արդյունաբերության ոլորտին առնչվող նյութերի հրապարակմամբ զբաղվող «Savunmasanayist» լրատվականը թուրքական մեդիայի համար իրենց իսկ բնորոշմամբ ուշագրավ հրապարակում է կատարել:

Մասնավորապես հրապարակման մեջ նշվել է, որ բրիտանական «Middle East Eye» լրատվականում տեղ գտած գրառումն առ այն, որ Կանադան հրաժարվել է Թուրքիայի դեմ կիրառվող զենք-զինամթերքի Էմբարգոյից, չի համապատասխանում իրականությանը:

Այս առիթով «Savunmasanayist»-ը մեջբերել է Կանադայի ԱԳՆ խոսնակ Մելանյա Ջոլիի հայտարարությունը.

«Այն, որ դադարեցվել է Թուրքիայի դեմ զենք-զինամթերքի Էմբարգոն, սուտ է: Կանադան շարունակում է վերահսկել Թուրքիա իրականացվող արտահանումները»:

Նշենք, որ զենքի էմբարգոն Թուրքիայի դեմ կիրառվել էր 2021-ին: Նման քայլի պատճառ էր հանդիսացել այն, որ Թուրքիան զենք էր մատակարարել Ադրբեջանին Արցախում Ադրբեջանի կողմից սանձազերծված 44-օրյա պատերազմի ընթացքում:

Կանադայի նման քայլը թուրքական մամուլում որակվել էր որպես «հայամետ դիրքորոշում»:

https://www.ermenihaber.am/am/news/2023/07/12/%D4%BF%D5%A1%D5%B6%D5%A1%D5%A4%D5%A1-%D4%B9%D5%B8%D6%82%D6%80%D6%84%D5%AB%D5%A1-%D4%B7%D5%B4%D5%A2%D5%A1%D6%80%D5%A3%D5%B8/251733