Թուրքիայում քրդական կուսակցությունը որոշել է ՏԻՄ ընտրություններին միայնակ մասնակցել

Թուրքիայի քրդական Ժողովուրդների դեմոկրատական կուսակցությունը (HDP) որոշում է կայացրել 2024–ի տեղական ինքնակառավարման մարմինների ընտրություններում սեփական թեկնածուներով մասնակցել։

Թուրքական NTV–ի փոխանցմամբ՝ Ժողովուրդների դեմոկրատական կուսակցության Վանում կայացած համաժողովի ժամանակ կուսակցության կին համանախագահ Փերվին Բուլդանը նշել է, թե 2024 թ․ մարտի ՏԻՄ ընտրություններում ամեն քաղաքում իրենք սեփական թեկնածուն են առաջադրելու։

Նշենք, որ 2023–ի մայիսի նախագահական եւ խորհրդարանական ընտրություններում քրդական կուսակցությունը ընդդիմադիր բլոկի մեջ է մասնակցել ընտրություններին։

https://news.am/arm/news/768693.html