Թուրքիան խաղաղության ցուցանիշով 147-րդ տեղում է

Ավստրալիայում կենտրոնացած Տնտեսության և խաղաղության ինստիտուտը հրապարակել է 2023-ի խաղաղության համաշխարահային ինդեքսը։ Ըստ այդ տվյալների՝ Թուրքիան 163 երկրների ցանկում գտնվում է 147-րդ հորիզոնականում, որը կիսում է Իրանի հետ։ 148-րդ հորիզոնականում է հայտնվել Հյուսիսային Կորեան։

Եվրոպական 36 երկրների մեջ ներառված Թուրքիան  այս ցուցակում զբաղեցնում է վերջին տեղը։

Այս տարի առաջին տեղում է հայտնվել Իսլանդիան։  Տվյալ ցուցակը կազմելու համար 23 ցուցիչներ են ներկայացվում, ինչպիսիք են երկրի ներսում և դրսում հակամարտությունների/բախումների ընթացքում եղած մահերի ցուցանիշը, սպանությունների ցուցանիշը, ռազմականացվածության մակարդակը, զենքի արտահանման ցուցանիշը, ահաբեկչության դեպքերը, քաղաքական կայունությունը, դատապարտյալների թիվը։

Վերջին տեղում է հայտնվել Աֆղանստանը, որին նախորդում են Եմենն ու Սիրիան։

https://www.ermenihaber.am/am/news/2023/06/28/%D4%B9%D5%B8%D6%82%D6%80%D6%84%D5%AB%D5%A1-%D5%AD%D5%A1%D5%B2%D5%A1%D5%B2%D5%B8%D6%82%D5%A9%D5%B5%D5%B8%D6%82%D5%B6/251079