Թուրքիան հայտարարել է Ադրբեջանի հետ համատեղ օդային հրամանատարության կառավարման համակարգ ստեղծելու նախագծի մասին:
«Թուրքիան եւ Ադրբեջանը իրականացնում են օդային հրամանատարության HAKİM կառավարման համակարգի համատեղ նախագիծը»,- տեղեկացրել է Թուրքիայի պաշտպանական արդյունաբերության վարչության պետ Հալուք Գյորգյունը, փոխանցել են ադրբեջանական ԶԼՄ-ները։
Նա նշել է, որ «օդային հրամանատարության կառավարման HAKİM համակարգի նախագիծը ամենակարեւորներից մեկն է, որոնք համատեղ իրականացնում են Ադրբեջանի եւ Թուրքիայի ռազմաօդային ուժերը։ Այս նախագծով երկու երկրների ռազմաօդային ուժերը հնարավորություն են ստանում իրականացնել համատեղ գործողություններ, ինչպես նաեւ վերահսկել Ադրբեջանի օդային տարածքը»։
Գյորգյունն ընդգծել է, որ երբ այս նախագիծը լիովին իրականացվի, օդային տարածքի վերահսկման համատեղ գոտին կընդգրկի Էգեյան ծովից մինչեւ Կասպիցի ավազան ընկած տարածքը։
Leave a Reply