Թուրքիայի ազգայնական «Զաֆեր» կուսակցությունը նախագահական ընտրությունների երկրորդ փուլում սատարում է քեմալական Քըլըչդարօղլուին

Թուրքական ազգայնական «Զաֆեր» կուսակցությունը հայտարարել է, որ սատարում է Թուրքիայի նախագահի ընդդիմադիր թեկնածու, քեմալական Քեմալ Քըլըչդարօղլուին ընտրությունների երկրորդ փուլում։ Այս մասին գրել է ria.ru-ն։ 

«Զաֆեր» կուսակցությունը «Աթա» դաշինքում էր, որի նախագահի արդեն նախկին թեկնածու Սինան Օղանը երկուշաբթի օրը հայտարարել էր մայիսի 28-ին կայանալիք նախագահական ընտրությունների երկրորդ փուլում Ռեջեփ Թայիփ Էրդողանին աջակցելու մասին։ 

«Զաֆեր»-ի և Քըլըչդարօղլուի դաշինքի համաձայնագրի շրջանակներում թեկնածուն պարտավորվում է առավելագույնը 1 տարվա ընթացքում վտարել Թուրքիայից բոլոր անօրինական ներգաղթյակներին ու փախստականներին։

https://www.tert.am/am/news/2023/05/24/turkiye-kilicdaroglu/3942630