Թուրքիայի արտգործնախարարն Էրդողանի մրցակցին կոչ է արել ներողություն խնդրել Ադրբեջանից

Թուրքիայի արտաքին գործերի նախարար Մևլութ Չավուշօղլուն նախագահական ընտրություններում նախագահ Էրդողանի մրցակից Քեմալ Քըլըչդարօղլուին կոչ է արել ներողություն խնդրել Ադրբեջանից։

Չավուշօղլուի խոսքով՝ ընդդիմադիրը պետք է ներողություն խնդրի Ադրբեջանին տրանսպորտային նախագծից բացառելու մտադրության համար, որը նա անվանել է «կյանքի նախագիծ»։

Հիշեցնենք, որ Թուրքիա-Չինաստան ճանապարհի քարտեզը, որը ներկայացրել է Թուրքիայի նախագահի ընդդիմադիր թեկնածու Քեմալ Քըլըչդարօղլուն, մեծ աղմուկ է բարձրացրել Ադրբեջանի և Թուրքիայի ազգայնականների շրջանում։

Քըլըչդարօղլուն ներկայացրել է նախընտրական ծրագրերից մեկը՝ առաջարկելով արագ կապ հաստատել Թուրքիայի և Չինաստանի միջև, որն անցնելու է Իրանով և Կենտրոնական Ասիայի թյուրքալեզու հանրապետություններով։

Քարտեզն առանձնահատուկ աղմուկ է բարձրացրել Ադրբեջանում, քանի որ քարտեզի վրա ճանապարհը շրջանցում է այդ երկիրը, իսկ թուրք ազգայնականների երազանքն ու Ադրբեջանը՝ այսպես կոչված, «Զանգեզուրի միջանցքը» դրա վրա չկա։

Բաքվում հայտարարել են, որ Քըլըչդարօղլուն անտեսում է Ադրբեջանը և քարտեզը հօգուտ Հայաստանի է կազմել։

https://news.am/arm/news/760946.html