ԱՄՆ ազգային անվտանգության հարցերով խորհրդական Ջեք Սալիվան ինքնաթիռում լրագրողների հարցերին պատասխանելիս ընդգծել է, որ Թուրքիայի նախագահական ընտրությունների 2-րդ փուլում ով էլ հաղթի, ԱՄՆ-ն Թուրքիայի հետ աշխատելու է Ուկրաինայի, Մերձավոր Արևելքի տարածաշրջանային խնդիրների և ՆԱՏՕ-ում նրա դերակատարության շրջանակներում։
Սալիվանը նաև նշել է. «Թուրքիայում ցանկանում ենք տեսնել ամուր ժողովրդավարություն։ Կայացել է ընտրությունների առաջին փուլը, սպասվում է երկրորդ փուլ։ Անկախ նրանից թե, ով կհաղթի, մենք պատրաստ ենք նրա հետ աշխատել»։
Անդրադառնալով «Սևծովյան հացահատիկային միջանցքին»՝ Սալիվանը հայտնել է, որ ԱՄՆ-ն շարունակելու է աջակցել համաշխարհային շուկաներ հացահատիկ մատակարարելուն ուղղված ջանքներին։
«Ռուսաստանը շարունակում է պատանդ պահել հացահատիկային միջանքցը»,- կարծում է ամերիկացի պաշտոնյան՝ հույս հայտնելով, որ հացահատիկային միջանցքի տևական և կայուն շահագործումը կնպաստի աղքատ երկրների պարենային կարիքները հոգալուն։
Ermenihaber.am
Leave a Reply