Հայտնի են Թուրքիայում խորհրդարանական ընտրությունների արդյունքները. Էրդողանի դաշինքը հաղթել է

Մայիսի 14-ին Թուրքիայում տեղի են ունեցել  նախագահական և խորհրդարանական ընտրություններ։ Երկրորդում նախագահ Ռեջեփ Թայիփ Էրդողանի Արդարություն և զարգացում կուսակցության գլխավորած Հանրապետական դաշինքը քվեաթերթիկների 99,55%-ը հաշվելուց հետո ստացել է ձայների 49,3%-ը:

Ինչպես գրում է rbc.ru-ն, սա նշանակում է, որ Հանրապետական դաշինքը խորհրդարանում 600 տեղից կստանա մոտ 322 մանդատ:

Քեմալ Քըլըչդարօղլուի ղեկավարած Ժողովրդահանրապետական կուսակցության ընդդիմադիր Ժողովրդական դաշինքը ստացել է ձայների 35,19%-ը կամ մոտ 212 մանդատ, հաղորդում է TRT-ն՝ վկայակոչելով Թուրքիայի Կենտրոնական ընտրական հանձնաժողովի տվյալները։

Աշխատանքի և ազատության դաշինքը, որի կազմում ընդգրկված է Կանաչների ձախ կուսակցությունը, կարող է ստանալ 66 մանդատ։ ԱԹԱ դաշինքը խորհրդարանում մանդատ չի ստանա:

https://www.tert.am/am/news/2023/05/15/elections/3937148