Իտալիան ուրբաթ թուրքական իշխանություններին է վերադարձրել երկրորդ դարի հուղարկավորության քարակոթողն այն բանից հետո, երբ քննությունը պարզել է, որ այն ապօրինի դուրս է բերվել Թուրքիայի հարավարևելյան տարածքից, հաղորդում է The Associated Press-ը։
Իտալական ոստիկանության արվեստի հարցերով զբաղվող հատուկ ջոկատը հայտարարել է, որ մանրամասն հետաքննությունից հետո հաստատվել է, որ առարկան ապօրինի է դուրս բերվել և արդյունքում Ֆրանսիայում գնելուց հետո հայտնվել է Ֆլորենցիայի մասնավոր տներից մեկում։
Քարակոթողը պատկերում է տունիկա և շղարշ հագած երևելի մի կնոջ։ Նրա աջ ձեռքը դրված է ձախ կրծքին։ Քարակոթողի ներքևում արձանագրություն կա հին հունարենով․ «Սատորնիլա, իր ամուսնուն սիրող կին, գնաս բարով»։
Ոստիկանության հայտարարության համաձայն, կոթողը ապօրինի պեղվել է ժամանակակից Թուրքիայի հարավարևելքում՝ Գազիանթեփի շրջանում գտնվող հինավուրց Զեվգմա քաղաքից ոչ հեռու։
Զեվգման, որ գտնվում է Եփրատի ափին, սկզբում հին հունական բնակավայր է եղել, հետո դարձել է Հռոմեական կայսրության մաս։ Այն հիմնադրել է Ալեքսանդր Մակեդոնացին մեր թվարկությունից առաջ մոտ 300 թվականին։
Կոթողը փոխանցվել է Իտալիայում թուրքական դեսպանին՝ Թուրքիա վերադարձնելու համար։
Leave a Reply