Անկարայի նահանգապետարանն արգելել է Հայոց ցեղասպանության հետ կապված միջոցառումները

Անկարայի նահանգապետարանը հայտարարել է, որ արգելել է Հայոց ցեղասպանության թեմայով անցկացվելիք բոլոր պանելային քննարկումները, մամուլի ասուլիսները, հավաքները, երթերը և միջոցառումները:   

Հայտարարությունում մասնավորապես  նշվել է, որ նմանատիպ միջոցառումների կազմակերպումն ըստ №5442 Նահանգի կառավարման մասին օրենքի 11/C կետի և № 2911 Հավաքների և երթերի մասին օրենքի 17-րդ հոդվածի դրույթների նպատակահարմար չի դիտարկվում հանգստության պահպանման, անվտանգության և այլ նկատառումներով։

Նաև զգուշացվել է, որ վերոնշյալ արգելքի պահանջը չկատարելու դեպքում համապատասխան օրենսդրական դրույթների շրջանակներում կձեռնարկվեն անհրաժեշտ դատական և վարչական միջոցներ։

https://www.ermenihaber.am/am/news/2023/04/24/%D4%B9%D5%B8%D6%82%D6%80%D6%84%D5%AB%D5%A1-%D6%81%D5%A5%D5%B2%D5%A1%D5%BD%D5%BA%D5%A1%D5%B6%D5%B8%D6%82%D5%A9%D5%B5%D5%B8%D6%82%D5%B6/247492