Թուրքիայի իշխանության նկատմամբ նվազել է կանանց վստահությունը․ սոցհարցում

«Gezici» հետազոտական ըներությունը ապրիլի 1-2-ը Թուրքիայում նախընտրական հարցումներ է անցկացրել:

Ադանայում, Անկարայում, Ստամբուլում, Իզմիրում, Սամսունում, Վանում և ևս 24 նահանգներում անկացված հարցմանն ընդհանուր առմամբ մասնակցել են 2.864 մարդ:

Թուրքական աղբյուրի հաղորդմամբ՝ եթե նախկինում Թուրքիայում իշխող Արդարություն և զարգացում կուսակցությանը (ԱԶԿ-AKP) ձայն տվողների  64%-ը կանայք էին, ապա հիմա նրանք կազմում են 48%:

Ըստ «Gezici» կենտրոնի տնօրեն Մուրադ Գեզիջիի՝ կանանց վստահությունը ԱԶԿ-ի հանդեպ նվազել է Ստամբուլի Կոնվենցիայից դուրս գալու և կանանց հանդեպ իրականացվող բռնության ուղղությամբ քայլեր չձեռնարկելու պատճառով:

«Կարող ենք ասել, որ ԱԶԿ-ի թույլ կապը կանանց հետ կտրվել է»,-ասել է Գեզիջին:

https://www.ermenihaber.am/am/news/2023/04/13/%D4%B9%D5%B8%D6%82%D6%80%D6%84%D5%AB%D5%A1-%D5%A8%D5%B6%D5%BF%D6%80%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80/246889