Ադրբեջանի խնդիրները մեր խնդիրներն են. Թուրքիայի պաշտպանության նախարար

Թուրքիայի պաշտպանության նախարար Հուլուսի Աքարը խոսել է Հայաստան-Ադրբեջան հարաբերությունների կարգավորման թեմայից։

Թուրքիական Anadolu-ի փոխանցմամբ Թուրքիայի պաշտպանության նախարար Հուլուսի Աքարը նշել է, թե 2020-ի նոյեմբերի 9-ի զինադադարը խաղաղության համար լավ առիթ է։ Ըստ նրա` Թուրքիան ամեն կերպ աջակցում է Հայաստանի եւ Ադրբեջանի միջեւ հարաբերությունների կարգավորման ցանկացած նախաձեռնության։

Հուլուսի Աքարը շեշտել է, թե Թուրքիան աջակցում է կարգավորմանը, սակայն դեմ է այդ կարգավորվմանը խանգարող քայլերին։

Աքարն իր խոսքում հիշեցրել է, որ իրենք շարունակում են շարժվել մի ազգ, երկու ժողովուրդ սկզբունքով եւ Ադրբեջանի խնդիրները Թուրքիայի խնդիրներն են, Ադրբեջանի ուրախությունները Թուրքիայի ուրախություններն են։

https://news.am/arm/news/753337.html