«Էրդողանը չի կարող հասկանալ ժողովրդի վիճակը, քանի որ աշխարհի ամենահարուստ մարդկանցից մեկն է

Թուրքիայի ընդդիմադիր կուսակցություններից մեկի` Ժողովուրդների դեմակրատական կուսակցության (HDP) նախկին համանախագահ Սելահաթթին Դեմիրթաշը տեսանյութ է հրապարակել, որտեղ Թուրքիայի նախագահ Էրդողանին հիշեցրել է «գոմեշի յոգուրտի» բաղադրատոմսը։

«Դիմում եմ կառավարությանը և պալատում գտնվող էն միհոգավորին։  Դուք ապրում եք վայելքների մեջ։ Եվ չեք կարող տեղյակ լինել ազգից, ժողովրդից։ Բայց օրը կգա, երբ ազգը ձեր պալատը ձեր գլխին կփլի, ու կզարմանաք, թե ինչ կատարվեց ձեզ հետ»,- տեսանյութում ասել է ընդդիմադիր գործիչը։

Նա նաև նշել է, որ Էրդողանի իրական ընկերները թոշակառու Քեռի Յուսուֆը, առևտրական Ֆաթմա մորաքույրը կամ գյուղացի քեռի Օսմանը չեն, այլ Կատարի էմիրն է, Սաուդյան Արաբիայի  արքայազնը, Հորդանանի թագավորը, ԱՄԷ-ի արքայազնը։

«Ժողովուրդը նրա համար միայն քվեի աղբյուր է։ Էրդողանը չի կարող հասկանալ ժողովրդի վիճակը, քանի որ աշխարհի ամենահարուստ մարդկանցից մեկն է»,- եզրափակում է Դեմիրթաշը։

Նշենք, որ Սելահաթթին Դեմիրթաշը քաղհալածյալ է ու այժմ բանտարկված է Էդիրնեի կալանավայրում։

https://www.ermenihaber.am/am/news/2023/04/04/%D4%B7%D6%80%D5%A4%D5%B8%D5%B2%D5%A1%D5%B6/246405