Դիարբեքիրից Ժողովրդադեմոկրատական կուսակցության (HDP) պատգամավոր Կարո Փայլանը Անկարայի խորհրդարանում բարձրացրել է Լաչինի միջանցքի շրջափակման հարցը եւ խորհրդարանական հարցում ուղարկել արտաքին գործերի նախարար Մեւլութ Չավուշօղլուին։
Խորհրդարանական հարցման մեջ Փայլանը նշել է, որ Լաչինի միջանցքը փակ է արդեն ավելի քան մեկ ամիս՝ ադրբեջանցիների, որոնք իրենց անվանում են «բնապահպան ակտիվիստներ» խմբի եւ Ադրբեջանի անվտանգության ուժերի մեղքով։
Նշենք, որ Արցախում, որտեղ շրջափակման մեջ է ավելի քան 120 000 մարդ, հումանիտար մեծ ճգնաժամ է։
«Դա փակում է հնարավորությունների պատուհանը խաղաղության համար»,- նշել է նա։
Փայլանը նաեւ նախարար Չավուշօղլուին ուղղղել է հետեւյալ հարցերը.
– Ի՞նչ եք դուք անում Լեռնային Ղարաբաղում խորացող հումանիտար ճգնաժամը լուծելու համար։
– Ի՞նչ դիվանագիտական նախաձեռնություններ եք արել Լաչինի միջանցքը բացելու համար, որը Լեռնային Ղարաբաղը կապում է Հայաստանի հետ։
– Գիտակցո՞ւմ եք արդյոք, որ Լաչինի միջանցքի շրջափակումը փակում է հնարավորությունների պատուհանը տարածաշրջանում խաղաղության համար։
– Ինչո՞ւ Թուրքիան, որը պարծենում է աշխարհում բազմաթիվ հումանիտար ճգնաժամերին միջամտելու համար, չի հոգում Լեռնային Ղարաբաղի 120 000 հայերի մասին, որոնք գտնվում են շրջափակման մեջ։
Նրա խոսքով՝ նրանց իրավունքները եւ անվտանգությունն ապահովված կլինեն, ինչպես Ադրբեջանի այլ քաղաքացիներինը։ «Սակայն նրանք, ովքեր չեն ցանկանում համաձայնել՝ լինել մեր քաղաքացիները, կարող են հեռանալ։ Ոչ ոք նրանց չի խանգարի»,- ավելացրել է նա։
Leave a Reply