Ստամբուլի տեխնիկական համալսարանի (İTÜ) եւ Իբրահիմ Չեչենի անվան Աղրըի համալսարանի (AİÇÜ) թիմը սկսել է որոնումները Արարատ լեռան վրա (թուրքերեն՝ Աղրը), որտեղ, ըստ ավանդության, գտնվում է Նոյան տապանը:
Թիմի կողմից, որի կազմում են երկրաֆիզիկայի, քիմիայի եւ գեոհնէաբանության մասնագետներ, մեծ թվով հողի նմուշներ եւ ժայռերի բեկորներ են վերցվել եւ ուղարկվել լաբորատորիաներ՝ փորձաքննության անցկացման համար:
«Փորձագետների լաբորատոր հետազոտությունները, հավանաբար, մեկուկես-երկու ամսից կավարտվեն։ Այս արդյունքների հիման վրա մենք կսահմանենք ճանապարհային քարտեզ»,- ասել է համալսարանի պրոռեկտոր, պրոֆեսոր Ֆարուք Քայան, հաղորդում է Hurryiet Daily News-ը:
Գեոդեզիստ-ինժեներ Իլհան Դուրուփընարը հայտնաբերել է ավերակներ, որոնք գրավել են տեղացի եւ օտարերկրյա զբոսաշրջիկների։
«Տարածաշրջանը շատ մեծ ներուժ ունի զբոսաշրջության համար, քանի որ աղբյուրների մեծ մասը ուշադրություն է դարձնում Աղրը լեռան եւ նրա շրջակայքի վրա»,- նշել է Քայան:
Քայան հավելել է, որ 2018 թ․ Հոնկոնգից մի խումբ հետազոտողներ բարձրացել են Արարատ լեռը։ Նրանք հայտարարել են, որ գտել են քարանձավ եւ տախտակներ, որոնք, ըստ նրանց, պատկանում են Նոյան տապանին: Թեեւ գտածոները վիճելի են, նրանք Հոնկոնգում կառուցել են Նոյան տապանի թանգարան եւ ընդունել են ավելի քան 7 միլիոն այցելուների, բացատրել է նա՝ խոսելով կրոնական զբոսաշրջության տեսակետից իր նպատակի մասին:
Առաջինը եվրոպացիներն են սկսել հետախուզությունները այս տարածքում, նշել է Քայան՝ նկատի ունենալով Յոհան Յակոբ Ֆրիդրիխ Վիլհելմ Պարոտին, որը 1829 թ․ բարձրացել էր լեռան գագաթը՝ Նոյան տապանի մնացորդներ փնտրելու:
«Որպես համալսարան՝ մեր նպատակն է բացահայտել այս ներուժը, այս վայրը վերածել կրոնական զբոսաշրջության կենտրոնի եւ աշխուժացնել Աղրըի եւ մեր երկրի տնտեսությունը»,- հավելել է նա:
Կախված արդյունքներից՝ հետազոտությունները կշարունակվեն լեռան ավերակներում, Թելչեքեր եւ Ուզենգիլի գյուղերում, իսկ գարնանը երկու համալսարանների միջեւ նոր հանդիպումներ տեղի կունենան։
Leave a Reply