Թուրքիայի ֆուտբոլի ֆեդերացիան Պոլսո հայոց պատրիարքին հրավիրել է Թուրքիա-Հայաստան հանդիպմանը

Թուրքիայի ֆուտբոլի ֆեդերացիայի ղեկավար կազմն այցելել է Պոլսո Հայոց պատրիարքարան և հանդիպել 85-րդ պատրիարք Սահակ Մաշալյանին:

2024 թ. ֆուտբոլի Եվրոպայի առաջնության ընտրական խմբում Հայաստանի ազգային հավաքականի հետ հանդիպման նախօրեին ԹՖՖ փոխնախագահ Մուրաթ Աքսուն և ԹՖՖ ղեկավար կազմի անդամ Ալի Դյուշմեզը Մաշալյանին հրավիրել են դիտելու մարտի 25-ին նախատեսվող ֆուտբոլային հանդիպումը:

Թուրք պաշտոնյաները ազգային հավաքականների խաղում մաղթել են «խաղաղություն, եղբայրություն և բարեկամություն» և շնորհավորել են Սահակ պատրիարքին ու հայ համայնքին Սուրբ Ծննդյան առթիվ:

https://yerkir.am/hy/article/2023/01/11/5726