Հայաստանի ու Թուրքիայի միջև ուղիղ օդային բեռնափոխադրումների արգելքը վերացվել է

Թուրքական իշխանական TRT-ի հաղորդմամբ՝ ուղիղ օդային բեռնափոխադրումների արգելքը Հայաստանի ու Թուրքիաայի միջև վերացվել է։ Լուրը հաստատվել է նաև Հայաստանի արտգործնախարարության խոսնակ Վահան Հունանյանի կողմից:

Հունանյանը հավելել է, որ Հայաստան-Թուրքիա ուղիղ օդային բեռնափոխադրումների իրականացումը 2022 թ. հուլիսի 1-ին հատուկ ներկայացուցիչների հանդիպմանը ձեռք բերված պայմանավորվածություններից մեկն էր:

«Ակնկալում ենք, որ մյուս պայմանավորվածությունը՝ երրորդ երկրների քաղաքացիների համար ցամաքային սահմանը հատելու հնարավորության ապահովումը, նույնպես շուտափույթ կյանքի կկոչվի», – նշել է խոսնակը։

Թուրքակաան լրատվամիջոցի հրապարակման մեջ նշվել է, որ այս մասին Թուրքիայի առևտրի նախարարությունից հայտնել են Թուրքիայի արտահանողների միություններին։

https://www.ermenihaber.am/am/news/2023/01/06/%D5%80%D5%A1%D5%B5%D5%A1%D5%BD%D5%BF%D5%A1%D5%B6-%D4%B9%D5%B8%D6%82%D6%80%D6%84%D5%AB%D5%A1/242064