Եգիպտոսի նախագահ Աբդել Ֆաթահ աս-Սիսիի ստորագրել է երկրի ծովային գոտիների սահմանների մասին հրամանագիր, որը գործնականում չեղյալ է համարում Թուրքիայի և Լիբիայի միջև ծովային գոտիների սահմանազատման մասին 2019 թվականին կնքված փոխըմբռնման հուշագիրը։
Ըստ թուրքական աղբյուրի՝ նախագահ Սիսիի այս քայլը հարված է հասցնում Թուրքիայի ու Լիբիայի միջև ստորագրած հուշագրին և վերջերս Միջերկրական ծովում գտնվող ածխաջրածնային հանքավայրերի ուսումնասիրության վերաբերյալ համաձայնագրին:
2019-ին Անկարան փոխըմբռման հուշագիր է ստորագրել Լիբիայի Ազգային համաձայնության կառավարության ղեկավար Ֆայեզ ալ-Սարաջի հետ՝ Լիբիայի ջրերում ածխաջրածնային պաշարների հետախուզման վերաբերյալ:
Ըստ հունական մամուլի՝ սա մեկ անգամ ևս ապացուցում է այն փաստը, որ Կահիրեի համար Թուրքիայի եւ Լիբիայի միջև հուշագիրն առ ոչինչ է:
Ավելի վաղ Եգիպտոսը և Հունաստանը կիրակի հայտարարել են, որ համաձայնագիրը, որը թույլ է տալիս Թուրքիային ուսումնասիրել Լիբիայի ջրերում, Միջերկրական ծովում գտնվող ածխաջրածնային հանքավայրերը, «անօրինական» է, և Աթենքը կդիմադրի դրան բոլոր «օրինական միջոցներով»:
Հիշեցնենք, որ Թուրքիայի նախագահ Ռեջեփ Թայիփ Էրդողանը Կատարում ընթացող ֆուտբոլի աշխարհի առաջնության շրջանակներում 9 դարվա դադարից հետո առաջին անգամ հանդիպել էր Եգիպտոսի նախագահ Աբդել Ֆաթթահ Ալ-Սիսիի հետ։
Ermenihaber.am
Leave a Reply