Թուրքիայի նախագահ Ռեջեփ Թայիփ Էրդողանը դիմել է Իրանի սահմանի մոտ «Եղբայրական բռունցք» թուրք-ադրբեջանական համատեղ զորավարժությունների մասնակիցներին։
Ինչպես հաղորդում է ԱՊԱ գործակալությունը, իր ուղերձում Էրդողանն ասել է, որ բարդ եղանակային պայմաններում անցկացվող զորավարժությունները կուժեղացնեն ադրբեջանական և թուրքական զինուժը։
«Ես հավատում եմ, որ դուք ուժ տվեցիք ընկերներին և վախեցրեցիք թշնամիներին»,- ասել է Էրդողանը։
Նա հավելել է, որ այս զորավարժությունները ցույց են տվել, որ Բաքվին և Անկարային ոչ ոք չի կարող բաժանել:
Մինչդեռ Թուրքիայի ազգային պաշտպանության նախարար Հուլուսի Աքարը, որը հետևել էժ զորավարժություններին, ասել է, որ իրենց բարեկամների ընկերներն ու թշնամիները համապատասխանաբար իրենց ընկերներն ու թշնամիներն են:
«Թուրքիան և Ադրբեջանը, անկախ նրանից, թե որտեղից և ումից են սադրանքները, դրանք ընկալում են որպես երկու երկրների դեմ ուղղված: Թող ոչ ոք այդ հարցում չկասկածի»,- ասել է Աքարը՝ ընդգծելով, որ «իրենք լինելու են մեկ բանակ, մեկ ուժ և մեկ բռունցք»:
Աքարի խոսքով՝ նման խոցելի պահին իրենց երկրների և ազգի անվտանգության ապահովումը հնարավոր է միայն ակտիվ և հուսալի բանակով։
«Թուրքիայի զինված ուժերի և բարեկամ ու եղբայրական ադրբեջանական բանակի կողմից համատեղ անցկացվող այս զորավարժությունները մենք համարում ենք պարզ և չափազանց օգտակար»,- շարունակել է Աքարը։
Թուրք նախարարն ընդգծել է, որ զորավարժությունները ցույց են տվել երկու երկրների զինված ուժերի ուժն ու վճռականությունը Թուրքիայի և Ադրբեջանի իրավունքները և շահերը պաշտպանելու գործում։
Leave a Reply