Պենտագոնի պատվիրակությունը ժամանել է Թուրքիա

Նոյեմբերի 7-ին Թուրքիա է ժամանել Միացյալ Նահանգների պաշտպանության նախարարության պատվիրակությունը։ Այս մասին հայտարարել է Թուրքիայի պաշտպանության նախարար Հուլուսի Աքարը, փոխանցում է NTV-ն։

«Այսօր Ազգային պաշտպանության նախարարությունում անցկացվում է Թուրքիայի և ԱՄՆ-ի միջև պաշտպանության ոլորտում համագործակցության ամրապնդման հարցերով բարձր մակարդակի խմբի նիստը»,- ասել է թուրք նախարարը։

Հուլուսի Աքարի նախագահությամբ տեղի է ունեցել տեսակոնֆերանս- հանդիպում՝ Թուրքիայի բանակի հրամանատարության և ազգային պաշտպանության փոխնախարար Յունուս Էմրե Քարաոսմանօղլուի մասնակցությամբ։

Ամերիկյան պատվիրակության կազմն ու հանդիպման մանրամասները դեռ չեն հաղորդվում։

https://www.shantnews.am/news/view/1222216.html