Իզմիր քաղաքի սահմանային անցակետի մաքսային ծառայության աշխատակիցները 6 ժամ սպասեցրել են Թուրքիա մուտք գործել ցանկացող Հունաստանի Միջին Մակեդոնիա շրջանի նահանգապետ Ապոստոլիս Ձիձիկոստասին:
Ջրային ճանապարհով Թուրքիա եկած հույն պաշտոնյան պետք Իզմիրում մասնակցեր նոյեմբերի 7-8-ը կայանալիք Եվրոպամիջերկրածովյան տարածաշրջանային և տեղական խորհրդի լիագումար նիստին:
Նշվում է, որ 6 ժամ սպասեցնելուց հետո նրան հայտնել են, որ կարող է մուտք գործել Թուրքիա, սակայն Ձիձիկոստասը միջադեպից հետո հրաժարվել է մուտք գործել երկիր ու հետ է վերադարձել:
Ըստ թուրքական «Անադոլու» պետական լրատվական ծառայության՝ դեպքի պատճառը Ձիձիկոստասի և Թուրքիա մուտքի սահմանափակում ունեցող մեկ այլ ուղևորի անվան նմանությունն է եղել, ինչի պատճառով էլ տեխնիկական խնդիր է առաջացել անձնագրային ստուգման ժամանակ:
Նշվում է, որ միջադեպի պատճառով հունական իշխանությունների կողմից քննադատական հայտարարություններ են հնչել Թուրքիայի իշխանությունների հասցեին:
Leave a Reply