Ի՞նչ է քննարկելու Իսրայելի պաշտպանության նախարարը Թուրքիայում

Իսրայելի պաշտպանության նախարար Բենի Հանցն ուղեւորվել է Թուրքիա, գրում է Jpost-ը։

Հանցը կհանդիպի Թուրքիայի պաշտպանության նախարար Հուլուսի Աքարի հետ։ Անվտանգության ծառայության բարձրաստիճան աշխատակիցը լրագրողներին հայտնել է, որ դա «պատմական այց» է, որի նպատակն է ամրապնդել պաշտոնյաների միջեւ վստահությունը։

Նրա խոսքով՝ երկու կողմերը շահագրգիռ են վերսկսել հարաբերությունները, ընդ որում, Իսրայելը հույս ունի տարածաշրջանում ավելի ուժեղ ռազմավարական խաղացող դառնալ, հատկապես՝ Իրանի նկատմամբ։ Իսկ Թուրքիան տարածաշրջանում, այդ թվում՝ Սիրիայում, առանցքային խաղացող է։ Պաշտոնյայի խոսքով՝ Հանցի եւ Աքարի բանակցությունների թեմաներից մեկը կլինի Իրանի մասնակցությունը Սիրիայում։

«Աբրահամյան համաձայնագրերի ստորագրումն ամրապնդում է տարածաշրջանում իսրայելական ներկայությունը, հատկապես՝ Իրանի դեմ։ Մենք պետք է համագործակցենք բոլորի հետ»,-հավելել է նա։ 

https://news.am/arm/news/727034.html