ՄԱԿ-ի Գլխավոր ասամբլեայի ղեկավար Շահիդը Թուրքիայի վրդովմունքից հետո ջնջել է Ծիծեռնակաբերդ այցելելու մասին թվիթը

ՄԱԿ-ի Գլխավոր ասամբլեայի նախագահ Աբդուլլահ Շահիդը  Թուրքիայի վրդովմունքից հետո ջնջել է իր՝ Ծիծեռնակաբերդ այցի մասին թվիթը։

Ամերիկայի Հայ դատի հանձնախումբը կոշտ արձագանքել է. «Ամոթ Աբդուլլահ Շահիդին, որ ջնջել է իր թվիթը Հայոց ցեղասպանության հուշահամալիր այցելության մասին: Ցավալի է տեսնել, որ Շահիդը հրապարակայնորեն ենթարկվում է Թուրքիայի վետոյին` ընդդեմ ՄԱԿ-ում Հայոց ցեղասպանության հիշատակը անկեղծ պահպանելու, որը հանցագործություն է` համաձայն Ցեղասպանություն հանցագործությունը կանխելու և դրա համար պատժի մասին կոնվենցիայի»,- նշվում է հայտարարության մեջ։

Ընդգծվում է, որ Շահիդը վարկաբեկում է ՄԱԿ-ն ու դրա անդամ երկրներին։ Նա խաթարում է հավատը Կոնվենցիայի նկատմամբ, երբ թույլ է տալիս Թուրքիային՝ հրապարակային ցուցադրել, թե ինչպես են լռեցնում համաշխարհային առաջնորդին:

Ավելի վաղ Թուրքիայի ԱԳՆ-ն քննադատել էր ՄԱԿ-ի Գլխավոր ասամբլեայի 76-րդ նստաշրջանի նախագահ Աբդուլլահ Շահիդին՝ Երեւանում Ծիծեռնակաբերդի հուշահամալիր այցելելու համար։

https://yerkir.am/news/view/275931.html