Հայ-թուրքական բանակցություններում Թուրքիայի բանագնացն այցելել է Կարսի կողմից հայ-թուրքական սահմանադուռ  

Հայ-թուրքական բանակցություններում Թուրքիայի բանագնաց, դիվանագետ, ԱՄՆ-ում Թուրքիայի նախկին դեսպան Սերդար Քըլըչն այցելել է Կարս և գտնվել հայ-թուրքական սահմանադռան մոտ։

Այդ մասին, Akunq.net-ի փոխանցմամբ, հաղորդում է «Գազեթե Կարս» պարբերականը։
Աղբյուրի համաձայն՝ Սերդար Քըլըչն այցելել է Անիի ավերակներ, «Պանիրի թանգարան»,

Ռազմական պատմության թանգարան և Աքյաքա արևելյան սահմանադուռ, որտեղ գտնվում է հայ-թուրքական սահմանը։

Ուշագրավ է, որ Սերդար Քըլըչը չի ցանկացել, որ իր այցի մանրամասները լուսաբանվեն զանգվածային լրատվամիջոցների կողմից։ Նա որոշ այցեր է կատարել նաև Կարսի կենտրոնում և մի շարք հանդիպումներ ունեցել։

Պետք է ենթադրել, որ Սերդար Քըլըչի այցը կապված է հայ-թուրքական սահմանը բացելու ուղղությամբ իրականացվող քայլերի հետ։
https://www.gazetekars.com/turkiye-ermenistan-temsilcisi-karsta-39020h.htm
Թարգմանեց Մելինե Անումյանը
Akunq.net