Թուրքական բանակը լիովին պատրաստ է Սիրիայում ռազմական գործողության

Թուրքիայի զինված ուժերը լիովին պատրաստ են Սիրիայում անդրսահմանային գործողության մեկնարկին և սպասում են այն սկսելու հրամանին. երկուշաբթի հայտնել է թուրքական TGRT հեռուստաալիքը։

Ըստ այդմ՝ ռազմական գործողության նախապատրաստական բոլոր աշխատանքներն ավարտված են։

«2016 թվականից թուրքական զինված ուժերի կողմից հարակից սահմանային տարածքում իրականացված չորս գործողություններից այն կտարբերվի նրանով, որ կենտրոնանալու է սեփական զինտեխնիկայի կամ թուրքական արդիականացված սպառազինության կիրառման վրա»,- նշում է հեռուստաալիքը։

Հաղորդվում է, որ գործողության ընթացքում նախատեսվում է կիրառել գրոհային անօդաչու սարքեր, այդ թվում՝ Bayraktar, Koral էլեկտրոնային պատերազմի համակարգեր, T129 ATAK կրակային աջակցության և հետախուզական ուղղաթիռներ, F-16 կործանիչներ՝ նոր ավիոնիկայով, և M60T տանկեր՝ ուժեղացված թուրքական արտադրության զրահներով։

https://yerkir.am/news/view/273678.html