Թուրքիան Էգեյան ծովում վերջին տարիների ամենամեծ զորավարժությունները կանցկացնի` ուղերձ հղելով Հունաստանին

Թուրքիան Էգեյան ծովի ափերի մոտ անցկացնում է «Efes 2022»-ի ամենամեծ զորավարժությունները, որոնց հետևելու համար Էրդողանը այսօր կժամանի Իզմիր. գրում է Milliyet-ը։

Ըստ թերթի՝ սա ուղերձ է Հունաստանին. «Թուրքիայի հետ կապերն այն աստիճան մի՛ ձգեք, որ այն կտրվի, վտանգի տակ կհայտնվեք»:

Հունաստանի և Թուրքիայի (երկուսն էլ ՆԱՏՕ-ի անդամներ) հարաբերությունները լրջորեն վատթարացել են վերջին տարիներին տարածքային վեճերի պատճառով։ Երկու երկրները չեն կարողանում պայմանավորվել ծովային գոտիների շուրջ:

Բացի դրանից՝ վերջին շրջանում Թուրքիան սկսել է վիճարկել հունական կղզիների պատկանելության հարցը:

https://yerkir.am/news/view/272882.html