Էրդողանի խոսքից հետո Թուրքիայում «Ես պոռնիկ չեմ» կարգախոսով ստորագրահավաք է սկսվել

Թուրքիայի նախագահ Ռեջեփ Թայիփ Էրդողանի կողմից Գեզի զբոսայգու ցուցարարների հասցեին հնչեցրած «պոռնիկ» արտահայտությունից հետո Change.org կայքում ստորագրահավաք է սկսվել։

«Ես պոռնիկ չեմ» (Ben sürtük değilim) գլխագրով ստորագրահավաքի հայտարարության տեքստում մասնավորապես նշված է, որ նախագահի պաշտոնն անաչառ պաշտոն է, և նախագահը չի կարող վիրավորել իր ժողովրդի մի մասին, եթե անգամ նա նախագահ է, նա այդ իրավունքը չունի:

Ստորագրահավաքի նախաձեռնության հեղինակները շեշտել են, որ նախագահի համար հասարակության յուրաքանչյուր անդամ պետք է հավասար լինի, և հայհոյանքը չի կարող ու չպետք է տեղ գտնի քաղաքացիներին ուղղված նրա բառապաշարում:

Ermenihaber.am