Թուրքիան պարտավոր չէ որևէ մեկից թույլտվություն խնդրել Սիրիայում գործողություն իրականացնելու համար. Քալըն

Թուրքիան պարտավոր չէ այլ երկրներից թույլտվություն խնդրել՝ Սիրիայում նոր ռազմական գործողություն իրականացնելու համար՝ ընդդեմ քրդական ուժերի, որոնց Անկարան ահաբեկչական է համարում։ Այս մասին հայտարարել է Թուրքիայի նախագահի պաշտոնական ներկայացուցիչ Իբրահիմ Քալընը։

Նրա խոսքով, գործողությունը սկսելու ծրագրերը թելադրված են երկրի ազգային անվտանգության շահերից։

«2019 թվականին մենք ստորագրել ենք երկու համաձայնագիր ԱՄՆ-ի և Ռուսաստանի Դաշնության հետ, որոնք վերաբերում են Եփրատի արևելյան շրջաններին, սակայն դրանցից բխող ահաբեկչության սպառնալիքն ամբողջությամբ չի վերացել»,- ասել է Քալընը։

Նա հավելել է, որ Թուրքիան անհրաժեշտ միջոցներ կձեռնարկի, իբր, իր սահմանների անվտանգությունն ապահովելու, ինչպես նաև ռազմական գործողություններ իրականացնելու համար։ Թուրքիայի ղեկավարի պաշտոնական ներկայացուցիչն ընդգծել է, որ Անկարան ենթադրաբար օրինական իրավունք ունի ինքնուրույն ընտրել հակամարտությունների կարգավորման ուղիները։

https://yerkir.am/news/view/272201.html