Ֆինլանդիան և Շվեդիան մերժել են Թուրքիային

Ֆինլանդիայի և Շվեդիայի իշխանությունները հրաժարվում են բավարարել Թուրքիայում ահաբեկչության մեջ կասկածվող 33 անձանց արտահանձնման խնդրանքը. հայտնում է TRT Haber-ը։

Հեռուստաալիքի տվյալներով՝ խոսքը Անկարայի կողմից ահաբեկիչներ ճանաչված՝ Քուրդիստանի աշխատավորական կուսակցության (PKK) եւ FETO (գյուլենական) կազմակերպության 33 անդամների մասին է։ «Շվեդիան և Ֆինլանդիան, որոնք ցանկանում են դառնալ ՆԱՏՕ-ի անդամ, FETO և PKK ահաբեկչական կազմակերպությունների ահաբեկիչներին Թուրքիային չեն արտահանձնում»,- հաղորդում է հեռուստաալիքը։

Նշվում է, որ Թուրքիան սկսել է Ֆինլանդիայից՝ 12, Շվեդիայից 21 հոգու արտահանձնման գործընթացը։ Միաժամանակ, «դատարանի որոշումների և ապացույցների համաձայն», կատարվել է 33 հարցում։

Հիշեցնենք, որ սկանդինավյան երկու պետությունները պաշտոնապես դիմել են ՆԱՏՕ-ին անդամակցելու համար, ինչին դեմ է Թուրքիան:

https://yerkir.am/news/view/270554.html