Եվս մեկ թուրք նախարար է վրդովվել Կարո Փայլանի Ցեղասպանության բանաձևից

Թուրքիայի ընտանեկան հարցերի և սոցիալական ծառայությունների նախարար Դերյա Յանըքը արձագանքել է թուրքական խորհրդարանի ընդդիմադիր հայ պատգամավոր Կարո Փայլանի՝ Հայոց ցեղասպանությունը ճանաչող օրինագիծ ընդունելու առաջարկին։

Ավելի վաղ Փայլանին նույն պատճառով թիրախավորել էր արդարադատության նախարար Բեքիր Բոզդաղը։

Դատապարտելով Կարո Փայլանի նախաձեռնությունը՝ նախարարն այն անվանել է «կոպիտ հանդգնություն»։

«Վրդովեցուցիչ է, որ Թուրքիայի ազգային մեծ ժողով է ներկայացվել մի օրինագիծ, որն առաջարկում է 1915 թվականի իրադարձությունները ճաnաչել որպես «ցեղասպանություն»։ Ըստ էության հարցականի տակ է դրվում մեր ժողովրդին նման զրպարտություններ վերագրողի պատգամավորությունը և դա տույլ տվող կուսակցության լեգիտիմությունը»։

Նշենք, որ Փայլանն անդամակցում է ընդդիմադիր քրդամետ ժողովուրդների դեմոկրատական կուսակցությանը (ԺԴԿ-HDP):

Ermenihaber.am